 |
|
||
|
|
#1
15-05-2010, 08:21 PM
|
|||
|
|||
الليدي فلحه تبي وظيفه ...
من أمس وأنا أدور لي مقدمة سنعة لموضوعي ، ومخي ماغير يفتر يمين ويسار ، ويروح الوقت وأنا أفكر وتحوم تسبدي وأسكر الموضوع ... ورجعت مرة ثانيه أمخمخ ومن بعد جهد جهيد وتفكير عميق سدحتها أهنيه << هذاني كتبتها ، يووه توني ارتحت يوم كتبتها ( واضح أن الموضوع بيروح للأرشيف )
اليكم قصه "الليدي فلحه " تحكيها بلسانها .. < نعطي المايك لـ "فلحه " .. فلحه تطق المايك وتقول " 123 الوو " < تذكرت الطقاقات ويالاه يالالالا .. تنحنح فلحه وتقول : في زمن اغبر اقشر ماطلعت فيه شمس , قدر الله علي وتخرجت من الجامعه , واخذت شهادتي الجامعيه البكالريوسيه ( قنبله مب شهاده ) ورحت اراكض وانا اردد " اخيرا , مابغينا نفتك من ذا الجامعه " , وشعرت لحظتها اني توني صرت شي له قيمة بالحياه وان المستقبل المشرق اللي دايما اسمع عنه جاء , وبجني ثمره تعبي ومشاوير الباص اللي اذهبت بزهره شبابي (تسمع بالمبالغه  ) وجابت لي الشد العضلي كل مالف السواق لف راسي معه , اخيرا خلصت من غثى الدكاتره , والبحوث والمشاريع اخيرا بقول "ياشين الفراغ " , وللاسف قلتها ..تستطرد فلحه : صارت ايامي متشابهه , ليلي هو نهاري , وصبحي هو عصري , امسي مثل يومي , وبكره مثله بعد وينطبق علي المثل " اكل ومرعى وقله صنعى "  , صرت من زود الفضاوه احسب عدد سيراميك الصاله , واحذف في قنوات التلفزيون وارجعهم , ماخليت حلى ماسويته , ماخليت نظام احاول اكسر به الروتين الا سويته , لدرجه اني اذا جيت ادخل مع الباب امشي على ورا يقاله تجديد , احوس جد جاب غرفتي وارجع ارتبها , مابقيت تسريحه ماسويتها بشعري , مابقى لبس عندي ماغسلته مرتين وثلاث , الاثاث يشتكي من كثر ماغيرت مكانه , وروتيني مثل ماهو , لدرجه صرت ماعاد افرق بين الايام , ولا عاد ادري حنا بأي عام الحين ( ياكبرها عند الله  ) , واستمر الحال شهورا الى ماجاء ذاك اليوم .. صحيت كعادتي ع صوت المكنسه الكهربائيه وصوت شغالتنا الشجي وهي تغني , جيت بقوم من السرير , ويجيني احساس قالي " تكفين وين بتطسين يعني " , قلت " ع قولتك " وأرجع أنام مره ثانيه , واصحى ع صوت ديك جيراننا , قلت عاد "يلا مابدهاش" وانا اللي بقوم من سريري , ويجيني نفس الاحساس مره ثانيه " من صجك ؟  " , وانا اللي اتحطم وارجع انام .. والا النوم مل مني , واجلس اهوجس بفراشي , بس انا والغطا وهواجيسي وصوت الشغاله , طالعه كأني فتاه فيديو كليب , قلت يابنت لا تستنين الوظيفه تجيك انتي دوري عليها , ويجيني الحماس اللي هو , وابدا ادور في ذا الوظايف واقدم , كل ماسمعت وظيفه في قلايع وادرين لبست عبايتي وخميت ملفي ورحت اراكض , صارت حياتي من فضاوه وفراغ قاتل , الى ملف ومقابلات وامتحانات , صرت احلم بالليل ان فيه ملف كبير يلحقني ويضحك , وكل وظيفه اقدم عليها ردوا علي بنفس العباره الشهيره , ايه ايه ماغيرها " خلتس عند الجوال وبتصل عليتس " , انتظرت وانتظرت ومل الانتظار مني , لدرجه علقت الجوال برقبتي ولا حولك احد .. قدمت ع 9 وظايف ولا وحده قبلتني , قررت اخيرا التزم الصمت واعود لفضاوتي واشطب ع الوظيفه الى اجل غير مسمى .. حتى هذاك اليوم اللي جت في بالي فكره التجاره الحره .. فكرت وش اتاجر فيه خصوصا اني مامعي رأس مال , سويت قائمه بالاشياء اللي انا افهم فيها .. اخليكم مع هواجيسي وقدراتي الخارقه ..اممم اعرف ارسم , لا مااعرف ارسم اطقطق بالرسم , اشطب الرسم .. مااعرف اغني خساره مايمديني اصير طقاقه , بس اعرف ارقص .. ( عادي اصير رقاصه  ) .. لا لا مايصلح الزم ماعلي جنوبي <وش عندها فيفي عبده .. طيب اعرف اترجم ليه مااترجم مذكرات واخذ مبلغ وقدره , او أسوي بحوث للطلاب .. والله ماتوكل عيش .. طيب وراه ماابيع افلام ومسلسلات .. فاضيه اشيل ذنوب هالاوادم .. وانا اللي تحوم تسبدي وانسدح وادندن " ابكي على ماجرالي يااهلي  " .. وتجيني ذيك الفكره الخونفشاريه .. الغنم .. وراه مااشتري غنم واصير ابيع واشتري فيها , واسوي اقط وسمن وحركتات , وانا اللي أطمر لأمي .. انا : اميمتي احبتس امي : مامعي فلوس مناك بس انا بعد ارتفع حاجبي دليل على بدايه الهجوم : قسم بالله اخر مره اطلب منتس , اصلا انا نويت اتاجر واصير بيزنس وومن .. وافكتس من شري ومن شر طلباتي .. بكره تجين انتي تتسلفين مني امي :الله من كثر الخثاريق بس , ليتس تعرسين بس ونخلص منتس انتي وطفاتس .. انا : اميمتي تكفين بتاجر بالغنم امي : وراه ماتحلين عن سماي بس .. ياكثرتس انتي وطلباتس  انا : يمه فكري فيها منها تجاره ومنها استفيد من وقتي عشان ماانحرف < تسمع بالاقناع .. وبعدين ترى كلها كم خروف وتيس ويالله من فضلك , ويوم الخميس اروح السوق واكشخ خريفاتي وارزهم بالسوق يوسعون صدورهم ترى اهم شي الراحه النفسيه للخروف .. امي : اها بس روحي ذاكري لاخوتس .. وخلي الخثاريق عنتس انا : يمه لا تحديني انحرف الحين , قسم بالله مايردني الا البحرين , والله اني احس اني مانيب بنتكم , ياخي شكلكم غلطانين بالحضانه وماخذيني , انا انسانه طموحه وانتم ناس ماتقدرون هالشي ( اجل غنم ) .. تخيلي يومه اصير بنت الراجحي ومضيعني كل هالسنين ويلقاني والله لاكب عشاكم واقوله تراهم مجوعيني وحاكريني .. يومه يمديتس تحسنين اخلاقتس وتعطيني فلوس وراح احاول اتغاضى عن اللي فات .. طبعا انتهى الحوار وانا راجعه لغرفتي والفنجال لاصق بجبهتي , انا عدت لادراجي وانا متحمطه , ياربي وش الدبره يحدوني اروح اسرق اسطوانات غاز وابيعها ولا انحرف وش اسوي فيهم ذا البشريه .. ومازلت اتحلطم وافكر قلت مالي الا ادخل منتدى اثراء وافضفض لعل وعسى الاقي عندهم الحل :: زبده الحكي :: *احد معه سلف < كاتبه الموضوع عشان هالشي *هل انت عطالي مثلي , كيف تقضي وقتك يرحم امك علمني .؟ *وش رايكم بتجاره الغنم .؟ *اذا كنت طالب استمر طالب واذا يمديك تعيد كم لا تضع الفرصه , ترى ماراح تتوظف << شنوو هالتحطيم المعنوي *اذا كان الخبز بريال فكم عصفورا فوق الشجره .؟ < الا غصب تبي موضوعها يروح للأرشيف ملاحظه لذوي القلوب الرحيمه : ترى هالموضوع انكتب وأنا أتهاوش مع أبو العيال , لذلك عفا الله عما سلف <؟ .. لا تدققون واجد ترى اللي يدقق يتعب ..  
|
|
#2
16-05-2010, 12:24 AM
|
|||
|
|||
|
والله أسعدتيني ربي يسعدج موضوع للتسليه ليش يروح للأرشيف غريبه انتي شنو تخصصج اللي ماحصلتي وظيفة انا اقوولج قدمي على التربيه ويعينونج معلمه لو ماكنتي تربوويه يوظفوون أي احد جد أحد صديقاتي ادااب انجليزي شكو وظفوها معلمة رياض أطفال !!!!!! يعني التربية تاااخذ كل أحد وكل الشهااااداات مرغووب بكل التخصصات وياليت لو تخصصج جغرافيا تعالي مدرستي لانه مافي غيري بهالتخصص بالمدرسة أما تجاارة الغنم إبعدي عنها كثر ماتقدرين لانهااااا تبي راس مال كبير الغنم ينصررف عليه من أكل أكثر ماتصرفين على عيالج  وأتمنى تحصلين وظيفة لانه بغير التربيه مثل ماقلتي صعب
|
|
#3
16-05-2010, 01:22 AM
|
|||
|
|||
|
موضوع فرفوشي
يسلمو ع النقل بس الحمدلله ماعندنا في الكويت حوسة الملف الأخضر صدق مساكين أهل السعودية يتخرجون بتخصصات صعبة ونادرة وفي النهاية يا يتوظف بشهادة الثنوي في شركة طايح حظها والبنت اذا ربي يحبها حطوها ادارية بمدرسة أهلية يكرفونها كرف وآخرتها طاردينها بعد 3شهور أو اذا شاغولة عطوها 1800ريال في الشهر تجلس في بيت أهلها أبرك لها
|
|
#4
17-05-2010, 06:19 PM
|
|||
|
|||
اقتباس:
لبى قلبش لبى أبيش يا عل عيني ما تبكيش اقتباس:
مشكوره على مرورتس سُـــعال واحد بس لــيــه مــحــد يرد على موضوعي 40 مشاهده ولا أحد رد ايــــــــــــــــــــــــــه يا الدنــيــا مثل ما يقول المثل ( الطيب ماله نصيب بالردود ) عاد كان عندي موضوع أبي أحطه عن أيام طفولتي بس والله ما عاد أحط مواضيع مرتن ثانيه مادام هاذي سواياكم فيني 
|
|
#6
18-05-2010, 11:57 PM
|
|||
|
|||
|
هـلا و غـلا بالليدي ... مبروك التخرج .. و مبروك عليج الراحة ... استمتعي بوقتج الـفاضي قبل ما تدخلين عالم الكراف .. خصوصا اذا كنتي مقدمه اوراقج على التربية .. و من واقع تجربة اختج لولوة .. انصحج نصيحه اخت لاختها .. قدمي على كل الوزارات و كل الجهات ما عدى وزارة التربية .. يعني حالتج المأساوية اللي انتي عايشه فيها الحين ارحم الف مره من واقع التربية المرير اللي نعاني منه ولا احنا عارفين شلون نفتك منه .. استغلي وقتج و احصلي على شهاده الـ icdl + ic3 و التوفل بعد اذا تقدرين عليه ... موفقة .. والله يسعدج وين ما كنتي
|
|
#7
18-07-2010, 05:01 AM
|
|||
|
|||
|
لولوه ساره مشكورين على المرور والنصايح
|
|
#8
18-07-2010, 10:38 PM
|
|||
|
|||
|
خخخخخخخخخخخخخخخخخخخخخخخخخخ
روووعه ماشاء الله عليج الله يسعدج ووفقج
|
 |
| أدوات الموضوع | |
| طرق عرض الموضوع | |
|
|
العرض العادي
